အေနိန့်အေရက်ကိုရောက်တိုင်း အဖရခိုင်ပြည်၏ အမျိုးသားအချုပ်အချာအာဏာနန့် နိုင်ငံတော်ပိုင်နက် နယ်နိမိတ်ကို အသက်စတေးခံဗျာယ် ခုခံကာကွယ်ယင်း ကျဆုံးလားခရေ မျိုးချစ်အာဇာနည်သူရဲကောင်း အပေါင်းရို့အားလည်းကောင်း၊ ဆုံးရှုံးခရရေ လွတ်လပ်ရေးကို ပြန်လည်ရဟိန့်ရေးအတွက် ဆုံးရှုံခရေနိန့်က စလို့ အေနိအေရက်ထိတိုင် မျိုးဆက်တဆက်ပြီးတဆက် တိုက်ပွဲဝင်ယင်း ကျဆုံးခကတ်ရရေ မျိုးချစ်အာဇာ နည်သူရဲကောင်း အပေါင်းရို့အားလည်းကောင်း၊ အေအမျိုးသား ခုခံစစ်နန့်တော်လှန်စစ်ရို့ အတွက် စတေးခံ ပီးကတ်ခရရေ အပြစ်မဲ့ရခိုင်ပြည်သူ အပေါင်းရို့ကိုလည်းကောင်း၊ နက်ရှိုင်းရေခံစားချက်၊ မမိကောင်းရေသတိ ရခြင်း၊ တိုင်းတာလို့မရရေ ဂုဏ်ယူခြင်းနန့်အတူ လှိုက်လဲစွာဦးညွတ် အလေးပြုပါရေ။

တချိန်တည်းမာ ထောင်သောင်းမကရေ အေမျိုးချစ်အာဇာနည် သူရဲကောင်းရို့နန့်အတူ ရခိုင်ပြည်သူရို့၏ သွီးခင်းခရေလမ်းနန့် အရိုးတောင်ပုံထက်မာ တိုင်းတာလို့မရရေသူရို့၏ ဖြူစင်သန့်ရှင်းရေ မျိုးချစ်စိတ်၊ ကိုယ်ကျိုးမဖက်စွန့်လွတ်အနစ်နာခံရေစိတ်၊ ရန်သူပါးမာ အညံ့မခံရေ သူရသတ္တိနန့် အနိုင်မခံအရှုံးမပီးရေ ဇွဲလုံးလရို့ကို စံနမူနာကောင်းယူပနာ အေနိအေမာရောက်နိန်ကတ်တေ ငါရို့မျိုးဆက်ရေ အေမပြီးဆုံးသိရေ သမိုင်းတာဝန်ကို ကာလ၊ဒေသ၊ပယောဂနန့်အညီ ဆက်လက်တာဝန်ယူ ဆောင်ရွက်ပီးလားကတ်ဖို့ဖြစ်တေ။ သမိုင်းပီးတာဝန်ဆိုရာမာ အမျိုးသားညီညွတ်ရေးကို တေဆောက်ရေးရေ အဓိကအခြေခံကျရေ သမိုင်းပီး တာဝန်ဖြစ်တေ။

အေအမျိုးသားရေးတာဝန်ကို ထမ်းဆောင်ရာမာ ရှိရှိကမင်းသားကြိး၊ဒေးဝန်းကြီးနန့်မြို့သူကြီးရို့ မှာတမ်းတိ ကိုလည်း အလေးအနက် သစ္စာဟိန်ကတ်ဖို့လိုအပ်တေ။ တိုင်းပြည်နန့်အမျိုးသားအတွက် စေတနာအရင်းခံမှန် ကန်ဖို့၊ ဇွဲလုံးလဟိကတ်ဖို့၊ အယူမပြောင်းကတ်ဖို့၊ ညီညွတ်ကတ်ဖို့၊ ရန်သူပါးမာဒူးမ ထောက်အညံ့မခံကတ်ဖို့၊ အရှောင်သမားတိနန့် သစ္စာဖောက်တိကိုရှောင်ကြည်ကတ်ဖို့ နက်နက်ရှိုင်းရှိုင်းမှာ ကြားထားခရေ။ တော်လှန် ရေးအသိ၊ တော်လှန်ရေးသတိနန့် အမျိုးသားရေးတာဝန်လမ်းညွန်မှာတမ်းဖြစ်တေ။

ယကေ အေနိန့်ငါရို့ဇာလုပ်ကတ်ဖို့လဲ။ ငါရို့ဇာလုပ်ကတ်ရဖို့လဲ။ အေနိန့်ပက်ပင်းတာဝန်ဇာလဲ။ အဆင့်ဆင့် ငါရို့လားကတ်ရဖို့။ ငါရို့ရေအေနိန့် နအဖ စစ်အာဏာရှင်စနစ်အောက်မာ အဖိနှိပ်ခံဗမာပြည်သူထု အပါအ၀င် ရှမ်း၊ချင်း၊ကချင်၊ကရင်၊ကရင်နီ၊မွန်နန့်ရခိုင်အမျိုးသားရို့အားလုံး အဖိနှိပ်ခံ ကျွန်ဘ၀ကိုရောက်နိန်ကတ်ရရေ။ ယင်းကြောင့် ဘုံရန်သူနအဖစစ်အာဏာရှင်စနစ်ချုပ်ငြိမ်းပြီးကေ အခြေခံလူ့အခွင့်အရေး၊ဒီမိုကရေစီရေး၊ လူမျိုးစုံ ချစ်ကြည်ရေးနန့်တန်းတူရေး၊ အဖိနှိပ်ခံအမျိုးသားတိုင်း ကိုယ့်ကြမ္မာကိုယ်ဆုံးဖြတ်ဖန်တီးပိုင်ခွင့် ရဟိန့်ရေး တိုက်ပွဲရေ အေနိန့်ငါရို့မျိုးဆက်၏ ပက်ပင်းလုပ်ဆောင်ကတ်ရဖို့ အမျိုးသားနိုင်ငံရေးဖြစ်တေ။