English News

ဘူးသီးတောင်မြို့နယ်တွင် ဒေသန္တရ လက်လုပ် မိုင်းပေါက်ကွဲ၍ မြိုလူမျိုးတစ်ဦး သေဆုံး

မဘုကေ
စစ်တွေ၊ နိုဝင်ဘာ ၂၄

23795200_1742173219128081_8790344902546063015_n

ရခိုင်ပြည်နယ် ဘူးသီးတောင်မြို့နယ် စိုင်းတင် တောင်ကြား ဗောထိကိုင်းရွာအရှေ့ဖက် ကိုက် ၄ ထောင်ခန့်အကွာတွင် ဒေသန္တရ လက်လုပ်မိုင်း တစ်လုံးပေါက်ကွဲ၍ မြိုတစ်ဦးသေဆုံးသွားသည် ဟု တောင်ဘဇာ နယ်ခြားစောင့် ရဲစခန်းမှ ရဲအုပ်ထွန်းလှိုင်က ပြောသည်။

အဆိုပါ လက်လုပ်မှိုင်းသည် နိုဝင်ဘာလ ၂၁ ရက် နံနက် ၈ နာရီခန့်အချိန်တွင် ပေါက်ကွဲခြင်းဖြစ်ပြီး သေဆုံးသွားသည့် မြို တိုင်ရင်းသားမှာ ဘိုကလေးရွာမှ ဦးနန်းဆောင်၏ သား ကိုရန်ဂီး အသက်(၂၁) နှစ် ဖြစ်ကြောင်း သိရသည်။

“ ပေါက်ကွဲတဲ့ မိုင်းက ဒေသန္တရ လက်လုပ်မိုင်း အမျိုးအစားပါ။ မိုင်းမှာ ၀ါးတွေ၊ ဓာတ်ခဲတွေနဲ့ လုပ်ထားတာပါ။ မိုင်းက ၂ပေနဲ့ ၂ လက်မခန့်ရှည်ပါတယ်။ ပေါက်ကွဲမှုကြောင့် မြိုတစ်ဦးသေဆုံးသွားပါတယ်” ဟု ရဲအုပ်ထွန်းလှိုင်က ပြောသည်။

အဆိုပါ သေဆုံးမှုကို တောင်ဘဇာ နယ်ခြားစောင့် ရဲစခန်းမှ သေမှုသေခင်း ဖွင့်၍ ဆောင်ရွက်နေသည် ဟု သိရသည်။