Advertising
English News

မိုးရွာသွန်း၍ ရခိုင်ပြည်အ၀ှမ်းမှ ရေကြီးမှု အခြေအနေ

စံမောင်သန်း၊ စစ်တွေ
နိရဉ္စရာ၊ ဇွန် ၁၂

35067621_1951916864820381_7932190827705532416_n

မိုးအဆက်မပြတ်ရာသွန်းမှုကြောင့် ရခိုင်ပြည်နယ် သံတွဲ၊ အမ်း၊ တပ်တောင်နှင့် မင်းပြားမြို့ရှိ မြို့ပေါ်ရပ်ကွက်အချို့ ရေမြုပ်မှုများ ရှိနေသည်ဟု သတင်းရရှိသည်။

အမ်းမြို့ပေါ် ၅ ရပ်ကွက်တွင် ရေအနည်းငယ် နစ်မြုပ်နေပြီး ၊ အမှတ် ၂ ရပ်ကွက် (ပဲပဒုံ) တွင် အိမ် ၁၀ ကျော်လောက်ရေမြုပ်နေကြောင်း၊ သို့သော် အန္တရာယ်ရှိသည့် အနေအထား မရှိသေးကြောင်း သိရသည်။

အမ်းမြို့နယ် တပ်တောင်တွင် ၊ ဘုန်းတော်ကြီးကျောင်း အနီးတစ်ဝိုက်၊ စာသင်ကျောင်း အနီးတစ်ဝိုက်နှင့် ဘောလုံးကွင်းတို့တွင် ရေအနည်းငယ် နစ်မြုပ်နေသည်ဟု သိရသည်။

“ရေမြုပ်ပြီးတော့ အိမ်ထဲအထိ ရေ၀င်လာနေပါတယ်။ ကျနော်အိမ်ထဲမှာလည်း ခြေမျက်စိနားလောက်ထိ ရေမြုပ်နေပါတယ်”ဟု တပ်တောင်ဒေသခံတစ်ဦးက ပြောသည်။

မင်းပြားမြို့တွင်လည်း အောက်ရွာပိုင်း၊ ပြည်တော်သာ၊ ပြည်တော်လှ၊ မင်းဗာကြီး၊ ဥက္ကာပျံနှင့် မြို့သစ်ရပ်ကွက်များတွင် ရေမြုပ်မှုများရှိနေသည်ဟု သိရသည်။

“အိမ်တွေမြုပ်နေတာ တစ်ပေကျော်လောက်ရှိပါတယ်။ အဓိက မြေနိမ့်တဲ့ အပိုင်းတွေမှာပါ။ အထက ၁ နဲ့ အထက ၃ တို့မှာလည်း ရေမြုပ်နေပါတယ်”မင်းပြားမြို့မှ ဦးသိန်းစံက ပြောသည်။

မင်းပြားမြို့နယ်ရှိ ဖုံသာချောင်းမှ တောင်ကျရေ အထွက်များလာသည့်အတွက် ချောင်းအနီးရှိ ကျေးရွာများတွင်လည်း ရေမြုပ်မှုများ ဖြစ်ပေါ်လာနိုင်သည်ဟု သိရှိရသည်။

“အမှတ် ၁ နဲ့ အမှတ် ၂ ရပ်ကွက်တွေမှာတော့ ရေ၀င်ပါတယ်။ အန္တရာယ်ရှိတဲ့အနေအထားတော့ မရောက်သေးပါဘူး။ ရေတွေတော့ မနေ့ညနေ့ တဖြည်းဖြည်း တက်လာခဲ့ပါတယ်။ အခုတော့ ပြန်ကျနေပါပြီ”ဟု သံတွဲမြို့နယ် မဲဆန္ဒနယ်အမှတ် ၂ မှ ပြည်နယ်လွှတ်တော်ကိုယ်စားလှယ် ဦးနိုင်ကြွေအေးက နိရဉ္စရာသတင်းဌာနသို့ ပြောသည်။

ယင်းအပြင် သံတွဲမြို့နယ် မောင်းစွဲကျေးရွာတွင် ဇွန်လ ၁၀ ရက်နေ့က လေဆင်နှမောင်း တိုက်ခတ်၍ အိမ်နှစ်ဆောင် ပြိုကျခဲ့သည်ဟု သိရသည်။

ဓါတ်ပုံ-တပ်တောင်တွင် လက်ရှိရေမြုပ်နေသည့် အခြေအနေ