English News

အစိုးရ၏ နိုင်ငံသားစိစစ်မှု တည်ဆဲ ဥပဒေနှင့် မညီ၍ ရခိုင်ပြည်နယ်တွင် ကန့်ကွက် ဆန္ဒပြမှုများ ပေါ်ပေါက်နေ

နောင်ခိုင်အောင်၊ စစ်တွေ
နိရဉ္စရာ၊ မတ်လ ၂၀

17308960_1469545173057555_1738656569889410111_n

အစိုးရ၏ မောင်တောဒေသတွင် နိုင်ငံသား စိစစ်ရေး လုပ်ဆောင်မှုမှာ လက်ရှိ ၁၉၈၂ ခှုနှစ် နိုင်ငံသား ဥပဒေနှင့် ကိုက်ညီမှု မရှိဟုဆိုကာ ရခိုင်ပြည်နယ် အနှံ့အပြားတွင် ကန့်ကွက် ဆန္ဒပြမှုများ ပေါ်ပေါက်နေသည်။

မတ်လ ၁၉ ရက်နေ့က စစ်တွေ၊ မြောက်ဦး၊ ဘူးသီးတောင်၊ ရသေ့တောင်၊ ကျောက်တော်၊ မင်းပြား၊ မြေပုံ တို့တွင် ဆန္ဒပြကန့်ကွက်ပွဲများ ပေါ်ပေါက်ခဲ့သည်။

စစ်တွေမြို့မှ ဆန္ဒပြပွဲများကို ဦးဆောင်သူ ဦးအောင်ဌေးက “ ဆန္ဒ ဖော်ထုတ်ရတာက ၁၉၈၂ နှစ် နိုင်ငံသား ဥပဒေနဲ့ မညီဘဲနဲ့ မောင်တော ဒေသက ဘင်္ဂလီတွေကို နိုင်ငံသား အဖြစ် အသိအမှတ် ကဒ် ထုတ်ပေးနေတဲ့ အပေါ်ကန့်ကွက် ဆန္ဒပြရတာ ဖြစ်ပါတယ်”ဟု ဆန္ဒပြပွဲ ပြုလုပ်ရခြင်းနှင့် ပတ်သက်ပြီး နိရဉ္စရာသို့ ပြောကြားသည်။

စုစုပေါင်း ၅၃ ဦးကို ပြည်နယ် လ၀ကမှူး ဦးဝင်းလွှင်က ထုတ်ပေးခဲ့ကြောင်း၊ စာရင်း အတိကျကို ၂၇ -၂- ၂၀၁၇ ရက်နေ့တွင် မောင်တောဒေသမှ ထုတ်ပြန်ခဲ့သည့် ကြေညာချက်တွင် အတိအကျ ဖော်ပြ ထားကြောင်း၊ ပထမ အကြိမ် ၂၁ ဦး၊ နိုင်ငံသား ပြုခွင့်ရသူ ၁၄၊ အသက် ၁၈ နှစ်မပြည့်သူ ၎င်းတို့သားသမီး ၁၈ ဦး၊ စုစုပေါင်း ၅၃ ဦးအား နိုင်ငံသား အသိအမှတ်ပြု ကဒ်များ ထုတ်ပေးခဲ့ကြောင်း သူက ပြောကြားသည်။

စစ်တွေမြို့တွင် မတ်လ ၁၉ ရက်နေ့က ပြုလုပ်ခဲ့သော ဆန္ဒဖော်ထုတ်ပွဲတွင် ဥပဒေချိုးဖေါက်သူအား တရားစွဲဆိုရေး၊ ပြည်နယ် လ၀ကမှူး ၀င်းလွင်အား ချက်ချင်းဖမ်း၊ တရားမ၀င်ကဒ်များကို ပြန်ရုပ်သိမ်းပေး၊ ကဒ်လိမ်လည်ရယူထားသူ အရေးယူ၊ နိုင်ငံသား စိစစ်ရေးကော်မတီတွင် ဒေသခံကိုယ်စားလှယ် ထည့်ပေးရေး၊ ၁၉၈၂ နိုင်ငံသား ဥပဒေအတိုင်း စိစစ်ရေး၊ ရခိုင်လူမျိုးတည်တံ့ရေး၊ ရခိုင်ပြည်နယ် တည်တံ့ရေး စသည့် ကြွေးကြော်သံများကို ကြွေးကြော်ကာ ဆန္ဒဖော်ထုတ်ခဲ့ကြခြင်းဖြစ်သည်။

အဆိုပါ ကိစ္စနှင့် ပတ်သက်ပြီး ရခိုင်ပြည်နယ် လ၀က ပြည်နယ် ညွှန်ကြားရေးမှူး ဦးဝင်းလွှင်အား ဖုန်းဖြင့် ဆက်သွယ်ရာ ဖုန်းရိန်းသော်လည်း လက်ခံ ဖြေဆိုခြင်း မရှိပါ။

သို့အတွက်ကြောင့် နေပြည်တော်ရှိ လူဝင်မှုနှင့် ပြည်သူ့အင်အား ဦးစီးဌာနသို့ ဆက်သွယ်ရာ အမြဲတန်း အတွင်းဝန် ဦးမြင့်ကြိုင်မှ သူတို့အနေဖြင့် အစိုးရမှ ချမှတ်ထားသော လမ်းကြောင်းအတိုင်း မြို့နယ်၊ ပြည်နယ် ၊ ဗဟို အဆင့်ဆင့် စိစစ်ပြီးမှ အသိအမှတ်ပြုကဒ်များ ထုတ်ပေးခဲ့ခြင်း ဖြစ်သဖြင့် ဆန္ဒဖော်ထုတ်သူများ၏ တောင်းဆိုချက်များ အပေါ် တစ်စုံတစ်ရာ တုန့်ပြန် ပြောကြားလိုခြင်း မရှိကြောင်း နိရဉ္စရာသို့ ပြောကြားသည်။

ဆန္ဒပြပွဲကို ဦးဆောင်သူ ဦးအောင်ဌေးမှ သူတို့၏ တောင်းဆိုချက်များ အသိအမှတ်ပြု လိုက်လျော့မပေးပါက စစ်တွေမြို့တွင် ဘူးသီးတောင်၊ မောင်တောမှ ကိုယ်စားလှယ်များ၊ စစ်တွေမှ အမာခံ လူအင်အား ၂၀၀ ဖြင့် ၂၁ နေ့မှ ၂၃ ရက်နေ့ထိ နံနက် ရ နာရီ ညနေ ၅ နာရီ အတွင်း စစ်တွေ ၀င်္ကဘာကွင်းတွင် ထိုင်သပိတ်မှောက်သွားမည်ဟု ပြောကြားသွားပါသည်။