Advertising
English News

ဒေါက်တာအေးမောင်တို့ကို ရှေ့လ ၈ ရက်နေ့ ထပ်မံစစ်ဆေးမည်

မာန်ယုကျော် (ရွှေဝမြေ)
စစ်တွေ၊ စက်တင်ဘာ ၂၄

42504744_2108632232482176_3754254016062685184_n

သေဒဏ်အထိချမှတ်နိုင်သည့်ပုဒ်မဖြင့်အမှုရင်ဆိုင်နေရသည့် ဒေါက်တာအေးမောင်တို့အမှုအား ရှေ့လာမည့် အောက်တိုဘာ (၈)ရက်နေ့ ထပ်မံစစ်ဆေးသွားမည်ဖြစ်ကြောင်း ဒေါက်တာအေးမောင်က ပြောသည်။

ယနေ့ စက်တင်ဘာလ ၂၄ ရက်နေ့ စစ်တွေခရိုင်တရားရုံးတွင် ရုံးထုတ်အပြီးတွင် ဒေါက်တာအေးမောင်က သတင်းထောက်များကို ထိုသို့ ပြောကြားခဲ့ခြင်းဖြစ်သည်။

“ကျနော်တို့အမှုက နောက်လ (၈)ရက်နေ့ကို ချိန်းတယ်။ ကျနော်တို့အားလုံးကလည်း ပြည်နယ်တရားလွှတ်တော်ကိုတင်ထားပါတယ်။ ဒီနေ့က ဦးဝေဟင်အောင်ကလည်း တုပ်ကွေးဖြစ်နေတယ်။ အဲဒါကြောင့် အမှုကို စစ်ပါတယ်။ သို့သော်လည်းပဲ ကျန်းမာရေး အခြေအနေကြောင့် ခဏလေး တရားသူကြီးမင်းက နားပေးပါတယ်”ဟု ဒေါက်တာအေးမောင်က ပြောသည်။

ဒေါက်တာအေးမောင်နှင့် စာရေးဆရာဝေဟင်အောင်တို့အား နိုင်ငံတော်ပုန်ကန်မှုပုဒ်မ ၁၂၂(၁)နှင့် နိုင်ငံတော်အကြည်အညိုပျက်စေမှုပုဒ်မ ၅ဝ၅(ခ)ပုဒ်မတို့ဖြင့် စက်တင်ဘာလ ၁ဝ ရက်နေ့တွင် စစ်တွေခရိုင်တရားရုံးက စွဲချက်တင်ထားခြင်းဖြစ်သည်။

နိုင်ငံတော်ပုန်ကန်မှုပုဒ်မ ၁၂၂(၁)ပုဒ်မသည် သေဒဏ်မှ တစ်သက်တစ်ကျွန်းအထိချမှတ်နိုင်ပြီး နိုင်ငံတော်အကြည်အညိုပျက်စေမှုပုဒ်မ ၅ဝ၅(ခ)ပုဒ်မသည် ငွေဒဏ်ဖြစ်စေ၊ ထောင် (၂)နှစ်ဖြစ်စေ ချမှတ်နိုင်သည်။

ယင်းနှင့်ပတ်သက်ပြီး ပြည်နယ်တရားလွှတ်တော်သို့ ပြင်ဆင်မှုတင်ထားသည်ဟုလည်း ဒေါက်တာအေးမောင်က ပြောဆိုသွားသည်။

ဓာတ်ပုံ – စက်တင်ဘာ ၂၄ ရက်နေ့က ဒေါက်တာအေးမောင်အား တွေ့ရစဉ်။