Advertising
English News

မြောက်ဦးမြို့နယ် ဘာညိုတွင် မိုးကြိုးထိမှန်၍ လူ ၃ ဦးသေဆုံး

နိရဉ္စရာ၊ စက်တင်ဘာ ၂၉

42898059_2114816955197037_684422314430824448_n

ရခိုင်ပြည်နယ်၊ မြောက်ဦးမြို့နယ်၊ ဘာညို ကျေးရွာတွင် မိုးကြိုးထိမှန်၍ လူ သုံးဦးသေဆုံးသွားကြောင်း သတင်းရရှိသည်။

သေဆုံးသူ သုံးဦးမှာ ဦးကျော်တင်ဝင်း(ဘ) ဦးအောင်ကျော်ဇော (၂၉) နှစ်၊ ဦးဘလိူင် (ဘ) ဦးစိန်သာလှ (၂၇) နှစ်နှင့် ဒေါ်ဆန်းမြရီ (ဘ) ဦးငိုကြူးအောင် (၂၅) နှစ်တို့ ဖြစ်ကြောင်း ဘာညို ကျေးရွာအုပ်ချုပ်ရေးမှူး ဦးကျော်စိန်ထွန်းက ပြောသည်။

“ သူတို့က ဒီကနေ့ ညနေ ၅ နာရီခွဲအချိန် မြက်ရိတ်နေတဲ့ အချိန်မှာ မိုးရွာတော့ တဲထဲကို ၀င်းပြေးတယ်။ အဲဒီမှာ သုံးယောက်လုံးထိုင်နေတော့ မိုးကြိုးထိမှန်တာ။ သုံးယောက်လုံးပွဲချင်းပြီး သေဆုံးသွားတာဖြစ်ပါတယ်” ဟု ၎င်းက ပြောကြားသည်။

တဲထဲတွင် ရှိနေသော ကလေးငယ် တစ်ဦးမှာ တစ်စုံတစ်ရာထိခိုက်မှု မရှိခဲ့ကြောင်း သိရသည်။

သေဆုံးသူများ၏ အလောင်းကို ယခုအခါ မြောက်ဦးမြို့နယ် ဆေးရုံသို့ ယူဆောင်နေကြောင်း အုပ်ချုပ်ရေးမှူးက ပြောကြားသည်။