English News

မြို့နယ်အဆင့် လူဦးရေနှင့်သန်းခေါင်စာရင်း အသိပညာပေးရှင်းလင်းပွဲ တောင်ကုတ်တွင်ပြုလုပ်

စိုးဇံအောင်(တောင်ကုတ်)
နိရဉ္စရာ၊ နိုဝင်ဘာ ၂၄

23844375_1742191322459604_7767268029541013128_n

ရခိုင်ပြည်နယ် တောင်ကုတ်မြို့တွင်မြို့နယ် အဆင့်လူဦးရေနှင့်သန်းခေါင်စာရင်း အသိပညာပေးရှင်းလင်းပွဲကို နိုဝင်ဘာလ ၁၇ ရက်နေ့ နံနက် ၈ နာရီခွဲတွင် တောင်ကုတ် မြို့နယ်ခန်းမ၌ ပြုလုပ်ခဲ့ကြောင်း သတင်းရရှိသည်။

အဆိုပါရှင်းလင်းပွဲကို လူဝင်မှုကြီးကြပ်ရေးဌာန လဝကမှ ဦးဆောင်ပြုလုပ်ခဲ့ခြင်းဖြစ်ပြီး ၂၀၁၄ခုနှစ် လူဦးရေနှင့် သန်းခေါင်စာရင်းကောက်ယူချက် များကိုရှင်းလင်းခဲ့သည့်အပြင် မြို့နယ်ဖွံ့ဖြိုး တိုးတက် ရေး အကြောင်းအရာများကိုလည်း ရှင်းလင်းဆွေး နွေးခဲ့ကြောင်း သိရှိရသည်။

“သန်ခေါင်စာရင်းရှင်းလင်းပွဲ တစ်ခုတည်း မဟုတ်ပါဘူး။ လက်ရှိမြို့နယ်ရဲ့ လူနေမှုအဆင့်အတန်းနဲ့ကျန်းမာရေးကဏ္ဍတွေ။ပညာရေးကဏ္ဍနဲ့ မူးယစ်ဆေးဝါး တိုက်ဖျက်ရေး အကြောင်း အရာတွေကို ပါရှင်းလင်းဆွေးနွေးခဲ့ကြတာပါ” ဟုတောင်ကုတ်မြို့နယ် စည်ပင်သာယာရေး ကော်မတီ ဥက္ကဋ္ဌ ဦးစန်းငွေက နိရဉ္စရာသို့ပြောသည်။

အဆိုပါရှင်းလင်းပွဲကို နံနက် ၈နာရီခွဲမှ ညနေ ၆ နာရီအထိ ၂ ရက်ဆက်တိုက်ပြုလုပ်ခဲ့ပြီး ဌာနဆိုင်ရာနှင့် အရပ်ဖက်အဖွဲ့အစည်းများ အပါအဝင် တက်ရောက်ဆွေးနွေးသူဦးရေ (၅၀)ခန့် ရှိကြောင်း သိရပါသည်။

အဆိုပါလူဦးရေနှင့်သန်းခေါင်စာရင်းအသိ ပညာပေးရှင်းလင်းပွဲကို ရခိုင်ပြည်နယ်တောင်ဘက်ပိုင်းမြို့နယ်များတွင်ပြုလုပ်ခဲ့ပြီးဖြစ်ကြောင်းနှင့်မြောက်ဦးခရိုင်တွင် ဆက်လက်ပြုလုပ် သွားမည် ဖြစ်ကြောင်း လေ့လာသိရှိရပါသည်။