Advertising
English News

ကြားဖြတ်ရွေးကောက်ပွဲ၌ ရသေ့တောင်မြို့နယ်မှ ပါဝင်ယှဉ်ပြိုင်မည့် ကိုယ်စားလှယ်လောင်းများ၏ အမည်စာရင်း ထုတ်ပြန်ကြေညာ

မာန်ယုကျော် (ရွှေဝမြေ)
စစ်တွေ၊ သြဂုတ် ၆

38600603_2039416329403767_123472342595665920_n

ရခိုင်ပြည်နယ် ရသေ့တောင်မြို့ ကြားဖြတ်ရွေးကောက်ပွဲတွင်ယှဉ်ပြိုင်မည့် လွှတ်တော် ကိုယ်စား လှယ်လောင်းများ၏ အမည်စာရင်းအား သြဂုတ်လ ၆ ရက်နေ့တွင် စစ်တွေ ခရိုင် ရွေးကောက်ပွဲ ကော်မရှင်အဖွဲ့ခွဲက ထုတ်ပြန် ကြေညာသည်။

အမည်စာရင်းကြေညာခြင်းခံရသည့် လွှတ်တော်ကိုယ်စားလှယ်လောင်းများမှာ အမျိုးသား ဒီမိုကရေစီ အဖွဲ့ချုပ်ပါတီမှ ဦးခင်သန်းမောင်၊ တစ်သီးပုဂ္ဂလကိုယ်စားလှယ်အဖြစ် ဦးတင်မောင်ဝင်း၊ ရခိုင်အမျိုးသားပါတီမှ ဦးမောင်လှမြင့်နှင့် ရခိုင်ဒီမိုကရေစီအဖွဲ့ချုပ်ပါတီမှ ဦးသိန်းမောင်တို့ဖြစ်သည်။

“ပြည်ထောင်စု ရွေးကောက်ပွဲကော်မရှင်က ညွှန်ကြားတဲ့ အတွက် အခုလို ကြေညာရတာပါ။ ဒီကိုယ်စားလှယ်လောင်း တွေကို ကျနော်တို့ ဥပဒေ၊ နည်းဥပဒေ၊ လွှတ်တော်ရွေးကောက်ပွဲဥပဒေ၊ နည်းဥပဒေတွေနဲ့ ကျနော်တို့ရွေးချယ်ခဲ့တာဖြစ်ပါတယ်။”ဟု စစ်တွေခရိုင် ရွေးကောက်ပွဲကော်မရှင် အဖွဲ့ခွဲမှ အတွင်းရေးမှူး ဦးခင်မောင်ဦးက ပြောသည်။

အဆိုပါကြေညာချက်တွင် လွှတ်တော်ကိုယ်စားလှယ်လောင်းများ၏အမည်၊ ကိုယ်စားပြုသောပါတီ (သို့မဟုတ်) တစ်သီးပုဂ္ဂလ၊ ကိုယ်စားပြုသောပါတီ(သို့မဟုတ်) တစ်သီးပုဂ္ဂလ၏ သင်္ကေတ အမှတ် အသားနှင့် နေရပ်လိပ်စာတို့ကိုဖော်ပြထားသည်။

အဆိုပါလွှတ်တော်ကိုယ်စားလှယ်လောင်းများသည် ရခိုင်ပြည်နယ်လွှတ်တော်တွင် လစ်လပ် နေသည့် ရသေ့တောင်မြို့နယ် မဲဆန္ဒနယ်အမှတ်(၂)နေရာအတွက် ကြားဖြတ် ရွေးကောက်ပွဲ၌ ဝင်ရောက်ယှဉ်ပြိုင်မည့်ကိုယ်စားလှယ်လောင်းများဖြစ်သည်။

ကြားဖြတ်ရွေးကောက်ပွဲကို နိုဝင်ဘာလ ၃ ရက်(စနေ)နေ့တွင် တစ်နိုင်ငံလုံးအတိုင်းအတာအားဖြင့် ကျင်းပသွားမည်ဖြစ်သည်။