မလေးရှား ရခိုင်အမျိုးသားပိုင် မြန်မာ ဥယာဉ် စားသောက်ဆိုင်ကို ဘင်္ဂလီ ရိုဟင်ဂျာများ ၀င်ရောက်တိုက်ခိုက်

ခင်မောင်ဦး (မလေး)

မလေးရှားနိုင်ငံ ကွာလာလမ်ပူမြို့ရှိ ရခိုင်အမျိုးသားပိုင် မြန်မာ ဥယျာဉ် စားသောက်ဆိုင်ကို ရိုဟင်ဂျာ အမည်ခံ ဘင်္ဂလီ လူအုပ်စု တစ်ခုက သောကြာနေ့ ညနေပိုင်းက ၀င်ရောက် တိုက်ခိုက်သွားခဲ့သည်။

“  ကျွန်တော်ကြားတာက သူတို့ ဗလီဝတ်ပြု အပြီးမှာ မြန်မာ သံရုံးကို သွားဆန္ဒပြတယ်လို့ ကြားတယ်။ အဲဒီကနေ မြို့ထဲကို ပြန်ဝင်လာပြီး လမ်းမှာတွေ့တဲ့ ရခိုင်တွေကို ရိုက်တယ်။ ဆွဲထိုးတယ်။  ရခိုင်လေးတွေကလည်း အနီးအနားမှာရှိတဲ့ ကျွန်တော်တို့ဆိုင်ကို တက်ပြေးကြတယ်။ အဲဒီမှာ နောက်က လိုက်လာပြီး ရခိုင်ဆိုင်လို့ သိသွားတာနဲ့ ပစ္စည်းတွေကို ဖျက်ဆီးတယ်။ ခုံတွေကို ရိုက်ချိုးတယ်။ ဆိုင်မှာ ရောင်းနေတဲ့ ကွန်ပျူတာတွေကိုလည်း မချသွားကြပါတယ်” ဆိုင်ပိုင်ရှင် ဦးစောအောင်က နိရဉ္စရာသို့ ပြောသည်။

တိုက်ခိုက်ခံရချိန်မှာ ညနေ ၅ နာရီကျော်တွင် ဖြစ်ပြီး တိုက်ခိုင်သူ ဘင်္ဂလီ ရိုဟင်ဂျာ အုပ်စုမှာ လူ ၄၀ ခန့်ရှိကြောင်း ဦးစောအောင်က ပြောသည်။

“ ၀င်ရောက်တိုက်ခိုက်တာက လူ ၄၀ လောက် ရှိမယ်ထင်ပါတယ်။ စုစုပေါင်း ပါလာတဲ့ ရိုဟင်ဂျာက ၁၀၀ လောက်တော့ ရှိပါလိမ့်မယ်။ ဒါနဲ့ ကျွန်တော်တို့လည်း အနီးအနားက ရဲစန်းကို အကြောင်း ကြားပါတယ်။ ရဲတွေကလည်း ချက်ချင်း လိုက်လာပါတယ်။ ဒါပေမယ့် လမ်းမှာ ကားကျပ်တော့ ချက်ချင်း မရောက်ဘူး။ ဒါပေမယ့် ၇ ယောက်၊ ၈ယောက်လောက်တော့ ဖမ်းမိသွားတယ်။ ဘေးနားဆိုင်တွေကလည်း ဖမ်းပေးကြတယ်။ အခု သူတို့ကို ရဲက စစ်ဆေးမေးမြန်း နေပါတယ်” ဟု သူက ပြောသည်။

ယမန်နေ့ညနေက အခင်းဖြစ်ပွားပြီး ချက်ချင်း ဆိုင်မန်နေဂျာ ဦးကျော်သိန်းက အမူ ဖွင့်တိုင်ကြားခဲ့ကြောင်း သူက ပြောသည်။

၎င်းပြင် ရိုဟင်ဂျာ အမည်ခံ ဘင်္ဂလီ အုပ်စုမှ ရခိုင်များကို ၀င်ရောက်တိုက်ခိုက်မည်ကို သတင်းရထားကြောင်း၊ ရခိုင်ရုံးကို ၀င်ရောက်တိုက်ခိုက်မည်ဟု ထင်ထားခဲ့ကြောင်း၊ သို့သော် နောက်ဆုံးတွင် သူဆိုင်သာ အတိုက်ခံခဲ့ရကြောင်း ဦးစောအောင်က ပြောသည်။

တိုက်ခိုက်မူကြောင့် ဆိုင်ထဲရှိ ပစ္စည်းများ ပျက်စီး ပျောက်ဆုံးမူက လွဲပြီး ပြင်းပြင်းထန်ထန် ဒဏ်ရာ ရသူများ မရှိကြောင်းသူက ပြောသည်။

ယခုတိုက်ခိုက်မူသည် ရခိုင်တွင် ဖြစ်ပေါ်ခဲ့သော ဆူပူ အကြမ်းဖက်မူ ဖြစ်ပွားပြီး နောက်ပိုင်း ပထမဆုံး အကြိမ် ဘင်္ဂလီ ရိုဟင်ဂျာများက ရခိုင်များကို ပြည်ပတွင် ပေါ်တင် တိုက်ခိုက်ခြင်း ဖြစ်ကြောင်း သိရသည်။

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>